Sau Batar

Sumáriu Badak

Maioria ema timoroan moris ho agrikultura, tamba ne’e Sau batar hanesan serimónia kolleta ne’ebé pratika hosi agrikultór sira iha rejiaun oi-oin iha Timor-Leste. Povu timoroan agradese ba buat ne’ebé sira halibur, hosi rezultadu serbisu maka’as ne’ebé sira hetan, liu-liu ba sira-nia plantasaun iha sira-nia to’os. Serimónia kolleta batar nian maka serimónia agradesimentu tradisionál ida ne’ebé povu timoroan oferese kolleta di’ak liu no dahuluk ba Na’i no ba divinidade sira seluk ne’ebé fiar katak proteje plantasaun sira hosi peste no ajente degradadór sira seluk.