Tais makasae ne’ebé mak predominante ho kór mean, nu’udár patrimóniu kulturál iha komunidade makasae sira nian. Tais mane hanesan hena ne’ebé kompostu husi painel rua hodi suku hamutuk, no tais feto mos hanesan maibe suku ho karakter modifika sai ba lipa. Tais ne’ebé mak konsidera nu’udár folin boot liu no sempre utiliza iha atividade serimónia kulturál sau batar, barlake, lia mate, koremetan, uma lisan sira mak hanesan Tais imileka, kialai, wali imi no wali mete.
Kola Wali Gisi / Kola Leka Daho Tais Mane
Kola wali gisi-Kola leka Daho (M) mak tais mane prinsipál iha serimónia kulturál tradisionál husi komunidade sira iha Baucau. Tais ida ne’e nia folin vale ba karau, Kuda, Surik no Bibi. Tais mane ne’e iha painél rua maka suku hamutuk.
Nu.
Munisipiu
Ema
Soru iha tinan
Soru Na’in
Materiál sira
Téknika
Naruk x Luan
: TA0026
: Baucau
: Makasae
: 2021
: Olandina Soares
: Kabas ti’i ho kór ho naturál
: Kesi Futus no soru uza atis ne’ebé tali iha kotuk
: 229 x 113 cm
Uturasi-Tais Mane
Tais mane tradisionál ema makasae nian no tais uza hodi halo fetosan no umane hodi troka karau. Prosesu soru tais ne’e ida ne’e han tempu ne’ebé naruk tanba téknika futus ne’ebé ki’ik. Bolu Uturasi tanba tais ne’e iha painél rua ne’ebé suku hamutuk.
Nu.
Munisipiu
Ema
Soru iha tinan
Soru Na’in
Na’in Agora
Materiál sira
Téknika
Naruk x Luan
: TA00214
: Viqueque
: Makasae
: Tempu Portugés
: Ana Maria da Costa
: Lucia da Costa
: Kabas Komersiál ho kór naturál no sintétika
: –
: 320 cm x 114 cm
Rabi Wali Gisi-Tais Feto Nini Tomak
Tais Feto ne’e uza hodi halo fetosan no umane nian. Alénde ida ne’e bainhira lia feto nia folin loos ona família feto sei fó hatais nia ona feto ho tais modelu ne’e hodi lori oan feto ba mane nia uma knua.
Nu.
Munisipiu
Ema
Soru iha tinan
Tais Na’in
Materiál sira
Téknika
Naruk x Luan
: TA0265
: Viqueque
: Makasae
: Tempu Portugés
: Maria Siquera
: Kabas ti’i no komersiál ho kór naturál no sintétika
: Futus
: 104 cm x 70 cm
Watasa Rapi (F) - Watahasa Rapi (Mk), Tais Feto
Watahasa Rapi (Mk), Tais feto Watahasa ne’e husi Iliomar-Lautem. Naran Watahasa tanba nia iha risku kór mean iha parte tais klaran. Tais feto ne’e hatais ba eventu importante festa, simu bainaka, tebedai nsst. Tais feto Watahasa orijinál importante tebes iha tradisaun Iliomar nian, liuliu serimónia hatún feto foun, bainhira iha oan feto ida ne’ebé hola ona mane no nia folin fó ona, feto nia família sei fó hatais nia oan feto ho tais tolu mak hanesan Naileki Rapi tais feto. Naileki hatais husi parte leten labele troka ho tais seluk, Watahasa Rapi tais feto watahasa sé laiha bele troka ho Pailale Rapi tais feto pailale, no Watahasa Nunu kala, tais feto Nunu Kala labele troka ho tais seluk. Bainhira hatais hotu sei lori feto ne’e ba mane nia knua.
Nu.
Munisipiu
Lian
Soru iha tinan
Soru Na’in
Materiál sira
Téknika
Naruk x Luan
: TA0115
: Lautem
: Makalero
: 2010
: Jacinta da Costa
: Kabas ti’i no Komersiál ho kór naturál no sintétika
: Meli-Meli foit
: 160 cm x 61 cm