: Tebe Lilin
: Suku Suai Loro, Sub Distritu Suai, Munisipiu Covalima
: Dansa tradisional
: Dansa tradisional ne’e performa iha okaziaun wainhira hari uma lulik.
: Pré- História
: Knua Lo’o, Suia Loro,
: Sei kontinua implemeta iha knua refere
: 2012
: Ekipa tekniku Diresaun Nasional Patrimonu Kultural halo ona levanatamentu informasaun ba elementu refere.
Sumáriu Badak
Tebe Lilin nu’udar dansa tradisionál ne’ebé iha abut kle’an iha kultura lokál, ne’ebé halibur ema iha sírkulu hodi soe kantiga ba malu ho lian ida katak “fun motun” , katak la soe malu, akompaña ho knananuk ne’ebé nakonu ho signifikadu, kria ambiente ksolok no selebrasaun nian. Maski uza termu “soe kantiga”, ida-ne’e simboliza troka melodia ho lia-fuan sira ho armonia, lahó konflitu, reflete espíritu naroman no divertimentu nakonu ho respeitu.
Dansa nia naran, Tebe Lilin, lori signifikadu klean: refere ba naroman, dame no unidade, simboliza hosi lilin ne’ebé sólidu maski ita sunu no lilin ne’e nabeen maibe la haketak malu. . Durante dansa, grupu mane no feto sira, hamriik, hala’o movimentu grasiozu sira ho lian melodia tradisionál sira, perpetua knananuk antigu sira ne’ebé kria no hametin lasu amizade ida saudável entrekomunidade sira.
Uluk, molok uza lilin, komunidade sira uza materiál tradisionál sira hanesan barut/kami (pólvora) rahun, ne’ebé buti/kumu hamutuk ho kabas depois belit ba kesak hodi produs forma hanesan lilin, hafoin sunu hodi fo namoran. Hanesan lilin ne’ebé presiza kumu hamutuk mak foin bele fó-naroman, nune’e mós ema presiza hamutuk iha unidade, metin hanesan lilin mak bele lori naroman ba iha komunidade nia laran. Ohin loron, espíritu unidade koletividade no armonia ida- ne’e nafatin prezerva no selebra liuhosi dansa lilin, ne’ebé la’ós de’it mantein tradisaun ida moris, maibé mós simboliza valór sira unidade no koezaun sosiál nian ne’ebé hatutan hosi jerasaun sira. Dansa tebe lilin dala-barak hala’o iha serimónia tradisionál sira, hanesan konstrusaun uma lulik, sau- batar no eventu kulturál sira seluk. Tantu tebe lilin no tebe beimau nu’udar dansa sira ne’ebé úniku, sempre prezente durante serimónia sau-batar nian. Durante atuasaun dansa “tebe lilin”, partisipante sira hananu knananuk sira ne’ebé lori signifikadu no
