: Tein Masin
: Aldeia Sulilaran, Suku Aidabaleten, Sub Distritu Atabae Atabae, Munisipiu Bobonaro
: Kunesimentu Tradisional
: Tein Masin mak kunesimentu ne’ebe komunidade sira iha hodi produz masin husi tasi been ho metodu tradisional.
: Pré- História
: Sr. Joanico Tavares, no seluk tan
: Sei kontinua implemeta iha knua refere
: 2013
: –
Sumáriu Badak
Produsaun masin iha Timor-Leste nu’udar atividade tradisionál ne’ebé iha importánsia maka’as tebes, liuliu ba komunidade sira iha tasi-ibun, iha ne’ebé matenek ne’e hatutan husi jerasaun ba jerasaun. Uza métodu artezanatu no rekursu lokál sira, prátika ne’e reflete valór kulturál no ekonómiku, hodi garante subsisténsia hosi família sira ne’ebé envolve.
Produsaun masin nian akontese durante tempu bailoro, entre fulan Maiu no Novembru, bainhira kondisaun tempu favorável. Iha tempu udan, atividade interompe tanba impaktu husi udan ba kualidade bee masin ne’ebé uza iha prosesu refere. Siklu anuál marka ho rituál sira, ne’ebé hametin relasaun espirituál entre produtór sira no natureza.
Prosesu estrasaun tradisionál ne’e lafásil no envolve etapa oioin. Primeiru, bee masin filtra liuhosi rai, hafoin tein iha ahi leten to’o nia evapora, hodi forma kristál masin. Produtu finál hamaran iha loro-laran molok atu rai ka fa’an. Etapa ida-idak presiza abilidade no pasiénsia, no bele lori loron ida to’o loron rua atu produz kuantidade natón.
Komunidade balu iha Liquiçá adapta ona prátika kontemporánea sira hodi fasilita produsaun, maibe la kompromete valór kulturál sira. Porezemplu, uza lona sira hodi tau bee-masin troka métodu filtrasaun tradisionál sira iha rai-laran, hodi aumenta efisiénsia. Adaptasaun ida-ne’e hatudu oinsá tradisaun bele koeziste ho inovasaun teknolójiku simples sira.
